InDai Aku Sakit daraH TingGi.

Wednesday, March 18, 2009

Sinu amai ati aku sari tu. Tadi aku nerima pesan sms ari menyadi tuai aku ari sibu. Madah ke indai aku benung sakit tinggi darah maya tu. Sebedau tu, indai aku nadai kala sebana madah diri sakit nama-nama. Urang nurun mansai enggau meh ya. Orang ngereja umai, indai aku apin kala tinggal. Nya meh ngasuh aku balat bendar tekenyit. Bulan 1 empai lama, lebuh aku nyenguk iya ke menua, anchi pengeregas iya. Asai ke mimpi ninga menyadi aku nusui indai aku benung treatment ba spital Sibu diatu. Tekanan darah ya udah kelalu tinggi kenu ko doktor. Akai... Nadai ati agi aku ninga.
Ngagai petara aku besampi... ngajih ke indai aku meruan likun serta gerai diau ba menua. Penyayau serta pengerindu aku ngagai nuan enda nemu padam indai sampai ke seput aku lesie. Ampu penyalah aku mak... nyema aku selalu meri nuan tusah ati suba.